La monetas de stela (par la Fratres Grimm)
Me ia tradui la fable "La monetas de stela" par la Fratres Grimm. La monetas de stela A un ves pasada ia es un xica peti. Sua madre e sua padre ja ia mori e el ia es tan povre, ce el no ia ave un saleta per abita e no ia ave plu un leteta per dormi en lo. A fini el ia ave no plu ca la vestes sur la corpo e un peso de pan cual un cor compatiosa ia dona el. Ma el ia es tre bon e relijiosa. Car el ia es tan oblidada par tota la mundo, el ia sorti en la confida a la bon Dio a un campo. Alora un om vea ia encontra el e la om ia dise: "O, dona a me alga cosa per come, me es tan fame". La xica ia pasa a el la peso completa de pan e ia dise: "Ta ce Dio bondise tu" e el vade plu. Alora ia veni un enfante, ci ia lamenta e ia dise: "Lo es tan fria a mea testa, dona a me alga cosa per cual me pote covre mea testa." Alora el desapone sua xapeta e ia dona lo a el. E cuando el ia vade ancora tra alga tempo un enfante ia veni denova e el no ia ave sur sua cor...
